Хос номын нээлт

Монгол улсын соёлын гавьяат зүтгэлтэн Го.Акимын монгол, англи хэлээр хэвлэгдсэн “Авралын орон Эргүнэ гун үлгэр хэлэв үү, шашдир хүүрнэв үү?”, “Эргэсэн хасын нууц буюу эзэн Чингисийн сүлдний учиг” хос номын нээлт Хүүхдийн номын ордонд 2015 оны 5 дугаар сарын 20-нд боллоо. Нээлтэнд доктор Л.Батчулуун, Монгол улсын гавьяат жүжигчин Ягваан, Ардын уран зохиолч Т.Галсан болон зохиолч, орчуулагч, сэтгүүлч, багш нар оролцож зохиогчид баяр хүргэн, номын ач холбогдлын талаар санал бодлоо хэллээ. “Эргэсэн хасын нууц буюу эзэн Чингисийн сүлдний учиг” номыг манай нэрт орчуулагч Г.Дашдаваа, “Авралын орон Эргүнэ гун үлгэр хэлэв үү, шашдир хүүрнэв үү?” номыг Г.Дэлгэрмаа орчуулжээ. Чингээд номонд бичсэн өмнөтгөлүүдийг уншигч танаа хүргэж байна.